മദ്യവുമായി തളിപ്പറമ്പ സ്വദേശി അറസ്റ്റില്‍
കണ്ണൂർ:കണ്ണൂർ റെയില്‍വേ സ്റ്റേഷനില്‍ എക്‌സൈസ് വകുപ്പും ആർ.പി.എഫും സംയുക്തമായി നടത്തിയ പരിശോധയില്‍ 34.560 ലിറ്റർ കർണാടക മദ്യവുമായി ഒരാള്‍ അറസ്റ്റില്‍.
192 ടെട്രാ പായ്ക്കറ്റ് മദ്യവുമായി തളിപ്പറമ്ബ് കൂവേരിയിലെ കെ.എം.ഗോവിന്ദനാണ് അറസ്റ്റിലായത്. കണ്ണൂർ എക്‌സൈസ് റേഞ്ച് ഓഫീസിലെ അസി.എക്‌സൈസ് ഇൻസ്‌പെക്ടർ എം.കെ.സന്തോഷിന്റെയും ആർ.പി.എഫ് ,എസ്‌.ഐ എൻ.കെ. ശശിയുടെയും നേതൃത്വത്തില്‍ നടത്തിയ പരിശോധനയില്‍ മൂന്നാം നമ്ബർ പ്ലാറ്റ് ഫോമില്‍ വച്ചാണ് ഇയാള്‍ പിടിയിലായത്.
കർണാടകയില്‍ നിന്നും ട്രെയിനില്‍ കടത്തി കൊണ്ടുവന്നതായിരുന്നു മദ്യം. പരിശോധകസംഘത്തില്‍ എക്‌സൈസ് പ്രിവന്റീവ് ഓഫീസർ ഗ്രേഡ് സി.എച്ച്‌.റിഷാദ്, സിവില്‍ എക്‌സൈസ് ഓഫീസർ പി.വി.ഗണേഷ് ബാബു,എം.പി.ഷമീന,ആർ.പിഎഫ് എ.എസ്‌.ഐ സഞ്ജയ് കുമാർ, സ്‌ക്വാഡ് അംഗങ്ങളായ പ്രദീപ്കുമാർ, രാമകൃഷ്ണൻ, സി അബ്ബാസ് എന്നിവരും ഉണ്ടായിരുന്നു.
STORY HIGHLIGHTS:Thaliparamba native arrested with liquor
