തളിപ്പററമ്പ നഗരസഭ ബഡ്സ് സ്‌കൂള്‍ ഉദ്‌ഘാടനം തിങ്കളാഴ്ച
തളിപ്പറമ്പ:ശാരീരിക മാനസിക വെല്ലുവിളികള്‍ നേരിടുന്നവർക്കായുള്ള തളിപ്പറമ്ബ്‌ നഗരസഭ ബഡ്സ് സ്‌കൂള്‍ 12ന് രാവിലെ 10.30ന് എം.വി.ഗോവിന്ദൻ എം.എല്‍.എ ഉദ്‌ഘാടനം ചെയ്യും.
തൃച്ചംബരം വട്ടപ്പാറയില്‍ നഗരസഭയുടെ സ്‌റ്റാഫ്‌ ക്വാർട്ടേഴ്‌സിലാണ്‌ സ്‌കൂള്‍ പ്രവർത്തനം തുടങ്ങുന്നത്‌. മാനസിക വെല്ലുവിളികള്‍ നേരിടുന്നവരുടെ വിഷമതകള്‍ തിരിച്ചറിഞ്ഞും രക്ഷിതാക്കളുടെ നിരന്തര ആവശ്യം കണക്കിലെടുത്തുമാണ്‌ ബഡ്സ് സ്‌കൂള്‍ സ്ഥാപിക്കുന്നത്. നഗരസഭ സർവേയിലൂടെ കണ്ടെത്തിയ 18വയസില്‍ താഴെയുള്ള 47 കുട്ടികളില്‍ 25 പേർ പ്രവേശനത്തിന് രജിസ്റ്റർ ചെയ്തിട്ടുണ്ട്.
സ്‌കൂളിന്‌ ഈ വർഷം 13.5 ലക്ഷം രൂപയാണ് നഗരസഭ വകയിരുത്തിയത്.വാർത്താസമ്മേളനത്തില്‍ നഗരസഭ ചെയർപേഴ്സണ്‍ മുർഷിദ കൊങ്ങായി ,വൈസ്‌ ചെയർമാൻ കല്ലിങ്കീല്‍ പത്മനാഭൻ, സെക്രട്ടറി കെ.പി,സുബൈർ, പി.പി.മുഹമ്മദ്‌ നിസാർ, എം.കെ.ഷബിത സി പി. മനോജ്, പി.റജില, പി.പ്രദിപൻ എന്നിവർ പങ്കെടുത്തു.
STORY HIGHLIGHTS:Thalipararamba Municipal Buds School inaugurated on Monday
