മദ്യവുമായി ബിഹാര്‍ സ്വദേശിയായ യുവാവ് പിടിയില്‍
കുറുമത്തൂർ:ഇന്ത്യൻ നിർമിത പുതുച്ചേരി വിദേശമദ്യവുമായി ബിഹാർ സ്വദേശി പിടിയില്‍. എക്സൈസ് റേഞ്ച് ഓഫീസിലെ അസിസ്റ്റന്‍റ് എക്സൈസ് ഇൻസ്പെക്ടർ അഷ്‌റഫ്‌ മലപ്പട്ടവും സംഘവും കുറുമത്തൂർ, കൂനം, പൊക്കുണ്ട് ഭാഗങ്ങളില്‍ നടത്തിയ പരിശോധനയിലാണ് കൂനം പ്രദേശത്തുനിന്ന് വിജയ് റായ് (46) പിടിയിലായത്.
ഇയാളില്‍ നിന്ന് 21. 250 ലിറ്റർ (34 കുപ്പി) മദ്യവും പിടിച്ചെടുത്തു.
ഇയാള്‍ക്കെതിരെ അബ്കാരി നിയമപ്രകാരം കേസെടുത്തു. എഇഐ (ജി) കെ. രാജേഷ്, സിവില്‍ എക്സൈസ് ഓഫീസമാരായ ടി.വി. വിജിത്ത് ,എം.വി. ശ്യാം രാജ്, പി.പി. റെനില്‍ കൃഷ്ണൻ, വനിത സിവില്‍ എക്സൈസ് ഓഫീസർ എം.പി. സുനിത എന്നിവരും സംഘത്തില്‍ ഉണ്ടായിരുന്നു. ഇയാള്‍ക്ക് മദ്യം കൊണ്ടുകൊടുത്ത വ്യക്തിയെക്കുറിച്ച്‌ അന്വേഷണം നടന്നു വരികയാണ്.
STORY HIGHLIGHTS:Youth from Bihar arrested with liquor
