അതിഥി തൊഴിലാളികൾ മലയാളഭാഷ വശമാക്കി പരീക്ഷയെഴുതി

ആന്തൂർ: ജില്ലാ സാക്ഷരതാമിഷനും ആന്തൂർ നഗരസഭയും ചേർന്ന് അതിഥി തൊഴിലാളികൾക്ക് സാക്ഷരതാപദ്ധതിയുടെ ഭാഗമായി മികവുത്സവം നടത്തി. മലയാളം പരീക്ഷയിൽ 212 അതിഥിത്തൊഴിലാളികൾ മലയാളഭാഷ വശമാക്കി പരീക്ഷയെഴുതി. എല്ലാവരും ആന്തൂർ വ്യവസായമേഖലയിലെ തൊഴിലാളികളാണ്. മികവുത്സവം നഗരസഭാധ്യക്ഷൻ പി. മുകുന്ദൻ ഉദ്ഘാടനം ചെയ്തു. കെ.പി. ഉണ്ണികൃഷ്ണൻ അധ്യക്ഷനായി. വികസന സ്ഥിരംസമിതി അധ്യക്ഷൻ കെ.വി. പ്രേമരാജൻ, സെക്രട്ടറി പി.എൻ. അനീഷ്, വി.പി. രാജേന്ദ്രൻ എന്നിവർ സംസാരിച്ചു.

STORY HIGHLIGHTS:The guest workers wrote the exam with Malayalam as the medium