പേസസ്സ് വെല്‍നെസ് ഇൻഡ്യ രണ്ടാം വാര്‍ഷികാഘോഷം 25 ന് കണ്ണൂരില്‍
കണ്ണൂർ:കണ്ണൂരില്‍ വെല്‍നെസ് രംഗത്ത് പ്രവർത്തിക്കുന്ന പ്രമുഖ സ്ഥാപനമായ പേസസ്സ് വെല്‍നെസ് ഇൻഡ്യ എല്‍എല്‍ പി രണ്ടാം വാർഷികാഘോഷം സെപ്തംബർ 25ന് ഹോട്ടല്‍ റെയിൻബോ സ്യൂട്ട് കണ്ണൂരില്‍ വിവിധ പരിപാടികളോടെ നടത്തുമെന്ന് ഭാരവാഹികള്‍ കണ്ണൂർ പ്രസ് ക്ളബ്ബില്‍ വാർത്താ സമ്മേളനത്തില്‍ അറിയിച്ചു.
ഉച്ചയ്ക്ക് രണ്ടുമണിക്ക് കണ്ണൂർ കോർപറേഷൻ മേയർ മുസ്ലിഹ് മഠത്തില്‍ ഉദ്ഘാടനം ചെയ്യും തുടർന്ന് ഗിന്നസ്‌ആല്‍വിൻ റോഷൻ്റെ മാജിക് മെൻ്റലിസം ഷോയും അരങ്ങേറും. വെല്‍നെസ് ഇൻഡസ്ട്രിയില്‍ വൻ മുന്നേറ്റം നടത്താൻ ഈ രണ്ടു വർഷം കൊണ്ട് പേസസ്സിന് കഴിഞ്ഞിട്ടുണ്ടെന്ന് മാനേജിങ് ഡയറക്ടർ പി.പി അബ്ദുല്‍ സലാം അറിയിച്ചു.
ഈ മേഖലയില്‍ സാധാരണ ഗതിയില്‍ നിന്നും വ്യത്യസ്തമായി വളരെ കുറഞ്ഞ നിരക്കാൻ ഉയർന്ന നിലവാരമുള്ള ഫുഡ് സപ്ളിമെൻ്റ് ജനങ്ങളില്‍ എത്തിക്കാൻ കഴിഞ്ഞിട്ടുണ്ട്. ആരോഗ്യമുള്ള ഒരു സമുഹം നിർമ്മിക്കുകയെന്നതാണ് കമ്ബിനിയുടെ പ്രധാന ലക്ഷ്യം.
അതിനായി രോഗം വരാതിരിക്കാൻ ഉപയോഗിക്കപ്പെടേണ്ട വസ്തുവെന്ന നിലക്ക് പരമാവധി ന്യൂട്രീഷൻ സപ്ളിമെൻ്റുകള്‍ ജനങ്ങളില്‍ എത്തിക്കുകയെന്നതാണ് കമ്ബിനി ലക്ഷ്യമിടുന്നതെന്ന് പി.പി അബ്ദുല്‍ സലാം അറിയിച്ചു. വാർത്താ സമ്മേളനത്തില്‍ ചെയർമാൻ കെ.പി ശശിധരൻ, ചീഫ് മെഡിക്കല്‍ ഓഫീസർ ഡോ. ടി. തഫ്ലീസ സീനിയർ മാനേജർ സി.എം അനീഷ് , മാനേജർ ഗോപകുമാർ എന്നിവരും പങ്കെടുത്തു.
STORY HIGHLIGHTS:Paces Wellness India 2nd Anniversary Celebration at Kannur on 25th
