ഓർമ്മയോരം – 2024 പൂർവ്വവിദ്യാർത്ഥി സംഗമം സംഘടിപ്പിച്ചു

ഓർമ്മയോരം – 2024 പൂർവ്വവിദ്യാർത്ഥി സംഗമം സംഘടിപ്പിച്ചു

ചപ്പാരപ്പടവ് :ചപ്പാരപ്പടവ് ഹയർ സെക്കന്ററി സ്കൂൾ 2001 – 2002 എസ്‌ എസ്‌ എൽ സി ബാച്ച് വിദ്യാർത്ഥികൾ,  “ഓർമ്മയോരം” എന്ന പേരിൽ പൂർവ്വവിദ്യാർത്ഥി സംഗമം സംഘടിപ്പിച്ചു.

വിദ്യാർത്ഥി ജീവിതത്തിലെ ഗൃഹാതുര ഓർമ്മകൾ പങ്കുവെച്ചും പഴയ സഹപാഠികളുമായുള്ള സൗഹൃദം പുതുക്കിയും പ്രിയ ഗുരുക്കൻമാരെ ആദരിച്ചും കലാ വിരുന്നൊരുക്കിയും നടന്ന സംഗമത്തിന്  ചപ്പാരപ്പടവ് സ്കൂൾ സാക്ഷ്യം വഹിച്ചു.

ആർച്ച അനിൽ, അന്വയ അനിൽ എന്നിവർ പ്രാർത്ഥനാഗാനം ആലപിച്ചു. നിജില എ.വി സ്വാഗതം പറഞ്ഞു.
നവാഫ് അഹമ്മദിന്റെ അധ്യക്ഷതയിൽ നടന്ന പരിപാടി ചപ്പാരപ്പടവ് എച്ച്.എസ്. സ്കൂൾ ഹെഡ്മാസ്റ്റർ മുസ്തഫ  ഉദ്ഘാടനം ചെയ്തു.
കഴിഞ്ഞ ദിവസം അന്തരിച്ച ദിലീപ് കുമാർ കുവേരി ഉൾപ്പടെ ഉള്ള പ്രിയ സഹപാഠികൾക്കും അധ്യാപകർക്കും അനുശോചനം രേഖപ്പെടുത്തി.

അധ്യാപകരായ ഐ.ദാമോദരൻ , ബാലഗോപാലൻ , ശശിധരൻ ,,  പ്രഭാകരൻ , പി.വി. ദാമോദരൻ, ഡാമിയൻ , സുഖദേവൻ , മനോജ് , സണ്ണി , മുഹമ്മദ് കീത്തേടത് , ബാലകൃഷ്ണൻ , ജോർജ് , ലൂക്കോസ് ,   സെലിൻ , മേരിജോൺ, ദേവി , സരോജിനി, എൽസമ്മ , മേഴ്സി, രാധ, ജെസ്സി , മേരികുട്ടി, പി.പി കാർത്യായനി, തങ്കമണി, എം വി.കാർത്ത്യായനി , സഫിയ എന്നിവരെ പൊന്നാട അണിയിച്ച് ആദരിച്ചു, ഇത്തരം ഒരു സംഗമത്തിന്റെ ഭാഗമാകാൻ കഴിഞ്ഞതിൽ അധ്യാപകർ സന്തോഷം അറിയിച്ചു.

ഇരുപത്തി രണ്ടു വർഷങ്ങൾക്കു ശേഷം അധ്യാപകരെ നേരിട്ട് കാണാനും അവരെ കേൾക്കാനും സാധിച്ചതിൽ വിദ്യാർത്ഥി പ്രതിനിധികൾ സന്തോഷം പങ്കുവെച്ചു.  ഗോപിന, പ്രസീത, മഹ്‌റൂഫ്,  ജംഷീർ , ഇർഫാൻ, ലിജോ, വിനീത് , ശ്രീല, ഗഫൂർ, ആഷിക്ക്, ശ്യാം,സജീന തുടങ്ങിയവർ പരിപാടിക്ക് ആശംസകൾ അർപ്പിച്ച്  സംസാരിച്ചു.
ഉച്ചക്ക് ശേഷം നടന്ന കലാവിരുന്നിൽ സോണി സാം, നൗഫൽ,  കബീർ,  അന്വയഅനിൽ എന്നിവർ പരിപാടികൾ അവതരിപ്പിച്ചു.ദേശിയ ഗാനാലാപനത്തോടെ സമാപിച്ച പരിപാടിയിൽ ജിജ ജയേഷ് നന്ദി പ്രകാശിപ്പിച്ചു.

STORY HIGHLIGHTS:Ormayoram – 2024 Alumni Reunion organized