തളിപ്പറമ്പ് : തർക്കങ്ങൾക്കും കാത്തിരിപ്പിനുമൊടുവിൽ പട്ടുവം റോഡ് പുളിമ്പറമ്പിന് സമീപം മഞ്ചക്കുണ്ടിൽ റോഡ് മുറിച്ചുമാറ്റാനുള്ള വഴിയൊരുങ്ങി. ദേശീയപാതയിൽ കുറ്റിക്കോൽ-കീഴാറ്റൂർ- കുപ്പം ബൈപ്പാസ് റോഡ് കടന്നുപോകാനാണ് പട്ടുവം റോഡ് മുറിച്ചുമാറ്റുന്നത്. ബൈപ്പാസ് റോഡിൻ്റെ വീതിയിൽ 20 മീറ്ററോളം ആഴത്തിൽ റോഡിലെ മണ്ണ് നീക്കും. ഏറെ ശ്രമകരമായ പ്രവർത്തിയാണ് ഇവിടെ പൂർത്തിയാക്കേണ്ടത്. മുറിച്ചുമാറ്റിയ ഭാഗം റോഡിന്റെ വശം ഉറപ്പിക്കലുൾപ്പെടെ നിർമാണ പ്രവൃത്തികൾ പൂർത്തിയാക്കാൻ ഒരു വർഷത്തോളമെടുക്കും. റോഡ് മുറിക്കുന്ന ഭാഗത്തെ ശുദ്ധജല പൈപ്പ് ലൈൻ മാറ്റിയിടുന്ന ജോലിയാണ് ഇപ്പോൾ നടക്കുന്നത്. […]